Sunday, August 9, 2009


Mga Lumad Nagkahiusa
Rosario, Agusan del Sur- Napili nga presidente ang negosyante ug enhenyero nga si Vevencio “ Bobot” Ocite,Jr., sa bag-ong nahimugso nga kahugpungan sa mga lumad nga Manobo sa eleksyon nga ilang gipahigayon dili pa lang dugay.
Ang maong pondok gitawag nila nga Rosario Tribal Association Incorporated. Matud pa ni Engr. Ocite nga katuyu-an nila sa pag mugna niini mao ang panaghiusa sa mga lumad sa ilang lungsod ug ang pagmugna sa mga programa nga makahatag sa maayong kaugmaon sa ilang kaliwat apil na usab sa dili mga lumad apan anaa nagpuyo sa nahisgutang lungsod.
Sa pagkakaron hinat hinay na nilang natagamtam ang prohektong panginabuhi-an (Livelihood), Reforestation ug edukasyon alang sa mga edaran nga gustong makakat-on sa pagbasa ug pagsulat (Letteracy program).
Gipasabot ni Engr. Ocite ngadto sa mga ginsakopan nga ang mahayag nga kaugmaon dali ra makuptan kon ang tawo husto sa edukasyon. Hinoon dako usab kayo ang pasalamat sa mga katawhang lumad sa lungsod sa Rosario ngadto sa ilang pangulo tungod tungod usab sa kay adunay tawo nga ilang madoolan ug madangpan panahon sa ilang panginahanglan.
Sabay niini gihinabi sa mga tigbalita si Engr.Bobot Ocite,kon iyaha ba nga dawaton ang hagit sa mga lumad nga mosulod siya sa politika aron hingpit sila ga matabangan niini kon siya na ang maghupot sa renda sa pang goberno sa ilang dapit apan matud pa niya nga wala pa sa iyang plano sa pagkakaron ang pagsulod sa politika dako na nga kalipay niya nga makatabang sa iyang mga kaliwat ug ingon man sa ilang pagsalig kaniya nga maoy mangulo sa ilang kahugpungan.( Dods Bolambot ,Bureau Manager – Sanfranz,Agsur)

No comments:

Post a Comment