ANG TINUOD LANG

JULY 22- 28, 2009 VOLUME 1 NO 11 BUTUAN CITY, PHILIPPINES

Tinoud lang kining tagsulat mitambong sa Mayor‘s Forum sa opisina sa Mayor ning syudad sa Butuan.Mao pa kini ang una kong pagtambong sa Mayor‘s Forum…. Wala ako magdahom nga ingon niadtong mahitabo. Usa ka tawo nga motubag sa mga pangutana sa media nga kanunay masuko og manginsulto sa nangutana mahitungod sa problema sa tubig…Sa sinugdanan ,ako nagatuo nga ang maong tawo mao‘y Presiding Officer, apan akong nakita si Mayor Boy Dako nga nga naglingkod ug naminaw sa mga lantugi atubangan sa iyang lamesa…Wala madugay akong nailhan ang maong tawo nga siya diay si Roger Patanao…3 ka mga issues ang gilantugian: Illegal mining, Illegal nga pagbuhat /pag -ayo sa kalsada sulod sa watershed ug illegal nga pag-pamutol sa mga kahoy hinungdan sa kanihit sa tubig sa atong syudad…Kini si Roger Patanao kunuhay, siya ang nagpresentar sa mga lumad/tribo nga anaa nagpuyo sa Brgy.Anticala paingon ngadto sa Brgy.San Antonio RTR…Ako‘y gibati og kaulaw sa mga insulto kasaba nga gihimo ni Roger Patanao ngadto kang Engr.Anselmo Sang Tian ug sa pipila ka sakop sa Board of Directors sa Butuan City Water District,Sa pipila ka taga media ug sa uban nga mosagbat sa mga pangutana kalambigitan sa problema sa tubig.

Unsa ug kinsa man diay kini nga tawo ? Atubangan sa Mayor mangasaba, manginsulto. Gisugo ba siya sa Mayor sa pagbuhat sa ingon?Kung wala siya sugoa sa Mayor : Nganong wala man siya badlonga ? Pangutana sa uban nga nakatambong !...Kung adunay mosulti sa Mayor nga maayo ang ginabuhat ni Roger Patanao atol sa maong tigom. Makahatag hinuon sa dugang kadaot sa mga Plaza.Ang tinuod lang“Nasayod na ang katawhan nga illegal ang pagbuhat/pag-ayo sa kalsada sa watershed.Dapat ipahunong kini ug ipadakop sa Mayor ang nagbuhat sa mga illegal,kay ang Mayor adunay direkta nga gahom gikan sa katawhan.Kana kung walay tinagu-ang tuyo sa pagbuhat ug pag-ayo sa kalsada ang Mayor… Moaksiyon gyod ang Mayor niini dili ba Dongkoy? “Moaksiyon gyod kung mutuo mi sa mulo sa mga katawhan,” PERO kung si Roger Patanao tuhoan sa akong Agaw ? Ipahunong Kaha ?

Wa! Wa! Wa!..