BALITANG ESPESYAL

JULY 8 - 14, 2009 VOLUME 1 NO; 9 2009

Sa atong nasayran, ang butang nga ato gayong gikinahanglan angayan gayod nga ibilin ug ampingan ilabi na kung sa matag-adlaw ato kini nga pagagamiton. Apan lahi ang nahitabo ngadto sa nasud sa Australia, diin usa ka gamay nga komunidad ang hini-usang mibotar aron nga i-ban ang pagbaligya sa mga bottled water tungod sa ilang kabalaka sa mamahimong impact niini ngadto sa ilang palibot.
Sigon sa mga campaigners nga “Bundy on Tap” ang lungsod sa Bundanon sa New South Wales nga possible mao kini ang pinaka-unang komunidad sa tibuok kalibutan nga mipatuman sa maong klase sa ban. Ilang gibutyag nga ang dako nga kantidad sa ilang kinitaan, gigamit pag-extract, pag-package ug pag-transport sa bottled water. Ang dili na magamit nga bottled water, mahimo ng basura ug seguradong ilabay ngadto sa basurahan.
Kapin sa 350 ka mga residente ang mibotar sa maong ban atol sa gipahigayong public meeting sa ilang town hall, kon diin usa lamang ka residente ang misupak sa ban uban sa usa ka representante gikan sa bottled water industry. Samtang ang mga dayo sa ilang dapit nga makitang migamit og bottled water, dili nila dakpon kondili pasabton nila sa ilang lokal nga patakaran og aghaton nga ibalhin ang iyang tubig sa re-usable container nga makita sa water fountains sa ilang nag-unang mga kadalanan.